Незалежнага журналіста з Берасця выклікалі ў пракуратуру
Незалежнага журналіста Яўгена Скрабца апыталі ў гарадской пракуратуры Берасця. Як распавёў Яўген, супрацоўнікаў пракуратуры цікавіла ці супрацоўнічае ён з Беларускім Радыё Рацыя:
- Памочнік пракурора Паўлава складала апытанне, ці можна назваць гэту паперу пратаколам я не ведаю, было напісана, што гэта апытанне. Яна задала мне два пытанні. Па-першае, ці маю я акрэдытацыю, як прадстаўнік Радыё Рацыя ў Рэспубліцы Беларусь. Другое пытанне, ці публікаваў я матэрыялы дыскрэдытуючыя Рэспубліку Беларусь, яе ўнутраную і знешнюю палітыку ў нейкіх СМІ.
Яўген Скрабец адмовіўся адказваць на гэтыя пытанні і падпісваць пратакол апытання. Журналіст звярнуўся да праваабаронцаў па юрыдычную дапамогу. Яўген Скрабец звязвае гэты выклік у пракуратуру з мясцовымі выбарамі і Чэмпіянатам свету па хакеі, які сёлета пройдзе ў Беларусі.
