Літоўскія парламентары ўзялі пад апеку беларускіх палітвязняў

Справай кожнага вязня будзе апекавацца асобны дэпутат літоўскага Сейма. Акрамя таго, плануецца звярнуцца да краінаў Еўразвяза з заклікам далучыцца да гэтай ініцыятывы. Пра гэта было заяўлена на прэс-канферэнцыі ў Сейме Літвы, прымеркаванай да Дня Волі, які адзначае дэмакратычная супольнасць Беларусі. 

Паводле беларускіх праваабаронцаў, за кратамі знаходзяцца 10 палітычных вязняў, сярод іх – старшыня праваабарончага цэнтра “Вясна” Алесь Бяляцкі, экс-кандыдат у прэзідэнты Мікола Статкевіч і ваўкавыскі бізнесовец, ветэран афганскай вайны Мікола Аўтуховіч.