Гарадзенскіх праваабаронцаў зноў выклікаюць у міліцыю

Гарадзенскіх грамадскіх праваабаронцаў Віктара Сазонава, Уладзіміра Хільмановіча і Рамана Юргеля выклікаюць 3 красавіка ў Ленінскі РАУС Гародні. Як паведаміў ім намеснік начальніка аддзелу прафілактыкі Ленінскага РАУС Павел Лапато пытанне датычыць 25 сакавіка, калі гарадзенскія актывісты сфатаграфаваліся з беларускай і ўкраінскай сімволікай у памятных мясцінах гораду і павіншавалі жыхароў Гародні з Днём Волі.

Яшчэ 1-га красавіка Раману Юргелю патэлефанавалі з гарадзенскай міліцыі і паведамілі, што ён мусіць з’явіцца ў Ленінскі РАУС. У гэты ж дзень на кватэру Віктара Сазонава прыходзіў участковы міліцыянт, але праваабаронца ў гэты час не было дома.

25 сакавіка бягучага году Віктар Сазонаў, Уладзімір Хільмановіч і Раман Юргель сфатаграфаваліся ў розных памятных мясцінах Гародні з украінскай і беларускай сімволікай, а пасля павіншавалі гарадзенцаў праз інтэрнэт са святам.

“Гарадзенска Вясна”