Салігорск: Праваабаронцы падтрымалі палітвязняў паштоўкамі (фота)

Паштоўкі са словамі падтрымкі і салідарнасці даслалі палівязням праваабаронцы са сталіцы шахцёраў.

- Мы хацелі нагадаць усім вязням, і найперш нашаму калегу Алесю Бяляцкаму, што многія беларусы не заўважаюць сваёй турмы, бо яе краты нябачныя. Але ёсць людзі, якія застаюцца свабоднымі нават у няволі, - кажа прадстаўнік БХК у рэгіёне Леанід Мархотка.

Салігорскія праваабаронцы плануюць і надалей актыўна выяўляць сваю салідарнасць з беларускімі палітычнымі зняволеннымі ды заклікаюць усіх неабыякавых суайчыннікаў таксама не заставацца ў баку ад гэтага працэсу.