У Салігорску змагаюцца з прававой непісьменнасцю (фота)

Салігорскія моладзевыя актывісты-праваабаронцы правялі інфармацыйную кампанію, скіраваную на падвышэнне прававой асветы сярод жыхароў гораду.

Юнакі распаўсюджвалі буклеты з інфармацыяй аб правільных паводзінах пры стасунках з людзьмі ў пагонах, у тым ліку пры допыце ў якасці сведкі. Па словах маладзёнаў, з прававым нігілізмам супрацоўнікаў праваахоўных органаў сутыкаюцца не столькі сябры апазіцыйных палітычных партыяў і незалежных грамадскіх арганізацый, але пераважна звычайныя грамадзяне. Каб дапамагчы гараджанам быць напагатове пры стасунках з недабрасумленнымі супрацоўнікамі міліцы,і і была ініцыявана чарговая інфармацыйная кампанія.