Праваабарончая праграма “Людзьмі звацца!” на хвалях Беларускага Радыё Рацыя
Кожны аўторак у 22:00 (у летні час) у эфіры незалежнай радыёстанцыі “Беларускае Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня” ды “Асоба. Дзяржава. Грамадства”.
Анонс выпуску:
“Хроніка пераследу”: затрыманні грамадскіх актывістаў у Мінску, Магілёве ды Гомелі, масавая забарона пікетаў за вызваленне палітвязняў Беларусі, салідарныя дзеянні беларускіх праваабаронцаў у падтрымку калегаў, зняволеных у Азербайджане.
“Падзея тыдня”: адзначэнне Міжнароднага Дня салідарнасці з грамадзянскай супольнасцю Беларусі, заснаванага ў дзень арышту праваабаронцы Алеся Бяляцкага.
“Асоба. Дзяржава. Грамадства”: госць рубрыкі – Зміцер Вішнёў, дырэктар кнігарні “Галіяфы”. На мінулым тыдні адміністрацыя Першамайскага раёна Мінска зачыніла гэтую беларускую культурніцкую пляцоўку, якая паспела стаць месцам для цікавых прэзентацыяў і сустрэчаў.
