Праваабарончая праграма “Людзьмі звацца!” на Беларускім Радыё Рацыя
Кожны аўторак у 22:00 у эфіры незалежнай радыёстанцыі “Беларускае Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, "Падзея тыдня" ды “Асоба. Дзяржава. Грамадства”.
Анонс выпуску:
“Хроніка пераследу”: мерапрыемствы Тыдня супраць смяротнага пакарання, які распачаўся ў Беларусі 5 кастрычніка, перашкоды Мінюста ў рэгістрацыі дэмакратычных грамадскіх аб’яднанняў, новыя факты пераследу грамадскіх актывістаў.
“Падзея тыдня”: суд над апазіцыйным актывістам з Гомеля Юрыем Рубцовым, якога прыгаварылі да 1,5 гадоў так званай хіміі нібыта за абразу суддзі.
“Асоба. Дзяржава. Грамадства”: госць рубрыкі – праваабаронца Тамара Чыкунова, якую на шлях змагання супраць смяротнай кары прывяла асабістая трагедыя: у 2000 годзе ва Узбекістане паводле смяротнага прысуду быў расстраляны яе адзіны сын. Пасля, пасмяротна, Дзмітрый Чыкуноў быў прызнаны невінаватым у інкрымінуемых яму злачынствах.
У музычных - кампазіцыі з праекта “Апошні золак”, прадстаўленага летась беларускімі музыкамі ў межах кампаніі “Праваабаронцы супраць смяротнага пакарання ў Беларусі”.
