Брэст: актывіста БХД выклікаюць у мясцовую пракуратуру

Каардынатар арганізацыйнага камітэта па стварэнні партыі “Беларуская Хрысціянская Дэмакратыя” (БХД) у Брэсце Аляксандр Храпко мяркуе, што падставай для такіх захадаў можа быць авінавачванне ў дзейнасці ад імя незрэгістраванай арганізацыі.

Як распавёў сам Храпко, выклік у пракуратуру прызначаны на 13 лістапада, і актывіст БХД амаль упэўнены, што яму будзе вынесена папярэджанне. Такім чынам, лічыць Аляксандр Храпко, мясцовыя ўлады вырашылі аднавіць ціск на актыўных прадстаўнікоў грамадзянскай супольнасці, што можа быць звязана з падрыхтоўкай да наступнай выбарачай кампаніі, якая пройдзе ў 2015 годзе. “Падаецца, што ўлады напярэдадні выбараў прэзідэнта проста жадаць засцерагчы апазіцыянераў, каб яне паводзілі сябе актыўна у гэты перыяд”, - мяркуе Храпко.