FIDH мабілізуецца з нагоды 35-х угодкаў Канвенцыі CEDAW

Міжнародная канвенцыя аб ліквідацыі ўсіх формаў дыскрымінацыі ў адносінах да жанчын (CEDAW) 18 снежня 2014 адзначае сваё 35-годдзе. З гэтай нагоды FIDH жадае падтрымаць CEDAW і распаўсюдзіць яе пасланне з дапамогай арыгінальных творчых матэрыялаў, распрацаваных студэнткамі Школы Дэкаратыўных Мастацтваў Парыжа. Гэты універсальны механізм, які дазволіў дамагчыся каласальных пазітыўных зрухаў, сёння актуальны як ніколі.

«У гэты, такі важны, для правоў жанчын момант FIDH нагадвае пра свой намер змагацца з сэксізмам і жананянавісцю. Сёння, калі мы адзначаем пагрозу адкату назад у многіх дзяржавах, а дамагчыся трэба яшчэ вельмі шмат чаго, павага CEDAW асабліва неабходна»,- заявіў Карым Лахіджы, прэзідэнт FIDH.

Канвенцыя CEDAW з'яўляецца універсальным стандартам па абароне правоў жанчын у свеце. Яна была прынятая Генеральнай Асамблеяй Арганізацыі Аб'яднаных Нацый у 1979 годзе і ў цяперашні час ратыфікаваная практычна ўсімі краінамі, некаторымі - з агаворкамі. Спасылаючыся на палажэнні гэтага дакумента, актывісткі і актывісты змаглі дамагчыся значных поспехаў у сваіх краінах, у тым ліку: адмены дыскрымінацыйных законаў, павелічэння прадстаўніцтва жанчын у палітычных органах, прыняцця мінімальнага ўзросту для ўступлення ў шлюб, доступу да планавання сям'і, забароны наносіць калецтва жаночым геніталіям...

Каб адсвяткаваць 35-годдзе CEDAW, FIDH публікуе плакаты, буклеты і паштоўкі. «Мы вельмі рады падзяліцца гэтымі матэрыяламі з тымі, хто - ва ўсім свеце - удзельнічае ў барацьбе супраць дыскрымінацыі і за роўнасць полаў. FIDH працягне прымаць няспыннага намаганні, нароўні з нацыянальнымі НДА, для безумоўнай ратыфікацыі CEDAW - і яе Пратакола -, а таксама яе поўнага ажыццяўлення ў заканадаўстве і на практыцы», - заявіла Хадзіжа Шэрыф, кіраўнік рабочай групы ў галіне правоў жанчын FIDH.

Спампаваць плакаты, буклеты і паштоўкі