Праваабарончая праграма “Вясна” на Беларускім Радыё Рацыя
Кожны аўторак у 22:00 (паўтор у суботу ў 8:00) у эфіры незалежнай радыёстанцыі “Беларускае Радыё Рацыя” - праграма "Вясна", якая асвятляе падзеі, датычныя правоў чалавека на Беларусі.
Анонс выпуска:
“Хроніка”: Гарадзенскія ды Бярозаўскія заяўнікі пікетаў да Дня Волі атрымалі адмовs з выканкама; Намеснік старшыні БСДП і журналіст Ігар Барысаў напісаў скаргу на імя пракурора з нагоды выняцця кампутараў.
“Каментар эксперта”: Намеснік старшыні Беларускай асацыяцыі журналістаў Андрэй Бастунец падзяліўся меркаваннем з нагоды таемнага дакумента намесніка міністра МУС, які забараняе ажыццяўляць фота і відэаздымкі дзяржаўных органаў, а таксама крытычна важных аб’ектаў. З моманту выхаду распараджэння пад забарону здымаць адкрытыя для масавага наведваньня месцы трапілі некалькі журналістаў. Між тым, на думку праваабаронцаў, сам дакумент відавочна пярэчыць дзеючаму заканадаўству Рэспублікі Беларусь.
“Падзея”: Гомельскім абласным судом да выключнай меры пакарання за забойства, здзейсненае з асаблівай жорсткасцю, прыгавораны жыхар Рэчыцы Сяргей Іваноў. Сёлета гэта першы смяротны прысуд. А ў мінулым годзе па рашэнню судоў былі расстраляны тры чалавекі. Беларусь на сёняшні дзень застаецца адзінай краінай у Еўропе і СНД, дзе прымяняецца смяротнае пакаранне. А наяўнасць смяротнага пакарання ставіць пад пытанне магчымасць інтэргацыі Беларусі ў еўрапейскія структуры – сцвярджаюць праваабаронцы.
Госць рубрыкі “Асоба”: гарадзенскі праваабаронца, журналіст, пісьменнік Віктар Сазонаў. Са спадаром Віктарам гутарым пра надзённыя праблемы праваабаронцаў ды актывістаў Гарадзеншчыны, працу з грамадзянамі, а таксама спробы весці дыялог з дзяржаўнымі структурамі.
У музычных паўзах - кампазіцыі гурта Avias.
