Рабочыя прадпрыемства “Палімер” у Лунінцы дамагліся бяспечных ўмоў працы

Раней адміністрацыя прадпрыемства ігнаравала патрабаванні рабочых, якія тычыліся выканання заканадаўства аб ахове працы, што стварала пагрозу жыццю і здароўю тых, хто працуе на “Палімеры”.
Пасля калектыўнага звароту рабочых у пракуратуру Брэсцкай вобласці нарэшце было выдадзена прадпісанне аб правядзенні праверкі, а таксама створана рабочая група з прыцягненнем спецыялістаў дзяржаўных кантралюючых органаў. У часе праверкі выяўлена, што пасля рэканструкцыі будынак склада гатовай прадукцыі ААТ “Палімер” выкарыстоўвася не паводле мэтавага прызначэння. Пракуратура таксама прызнала слушнымі прэтэнзіі рабочых, якія тычыліся парушэнняў заканадаўства аб працы, санітарна-эпідэміялагічнага і прыродаахоўнага заканадаўства.

Па выніках праверкі пракурорам Лунінецкага раёна 8 службовых асобаў з адміністрацыі прадпрыемства прыцягнуты да дысцыплінарнай адказнасці. Акрамя таго, кіраўніцтву “Палімера” загадана ў сціслы тэрмін ліквідаваць выяўленыя падчас праверкі парушэнні заканадаўства.