Бабруйск: індывідуальныя прадпрымальнікі сотнямі сыходзяць з рынка, працы няма
Намеснік начальніка бабруйскага ўпраўлення гандлю і паслуг Дзмітрый Гуліеў паведаміў на планёрцы ў гарвыканкаме, што каля 450 мясцовых прадпрымальнікаў сыйшлі з рынка. На сённяшні дзень засталіся працаваць 622 "іпэшнікі". Нулявыя дэкларацыі ў падатковую інспекцыю ў студзені падалі 365 ІП, у лютым - 196. Па дадзеных падатковай інспекцыі, у адпачынку знаходзяцца 133 індывідуальныя прадпрымальнікі.
Як адзначыў чыноўнік з упраўлення гандлю і паслуг, "бабруйскія прадпрымальнікі не бастуюць, але і працаваць "напоўніцу" не хочуць".
Ці папоўняць былыя і "адпускныя" ІП шэрагі бабруйскіх беспрацоўных, пакажа час. Але ўжо зараз у Бабруйску вельмі складна знайсці працу. Па дадзеных мясцовага ўпраўлення па працы, занятасцi i сацыяльнай абароне, узровень беспрацоўя значна вырас. У студзені ў Цэнтры занятасці колькасць вакансій была роўная нулю, а жадаючых уладкавацца - 3,2 на адну вакансію.
