Офіс па правах людзей з інваліднасцю заняўся аказаннем дапамогі інвалідам у месцах пазбаўлення волі

Праваабарончая арганізацыя "Офіс па правах людзей з інваліднасцю" звярнулася ў 86 месцаў пазбаўлення волі з прапановай аб аказанні інфармацыйнай і прававой падтрымкі інвалідам, якія знаходзяцца там.

У грамадскую прыёмную Офіса перыядычна звяртаюцца людзі з інваліднасцю, якія адбываюць пакаранне ў месцах пазбаўлення волі па кансультацыю па пытаннях сваіх правоў у сувязі з наяўнасцю інваліднасці. Заканадаўствам устаноўлены шэраг асаблівасцяў правоў асоб з інваліднасцю, якія адбываюць пакаранне ў месцах пазбаўлення волі. Абавязак інфармавання аб гэтым ляжыць на адміністрацыі органа або ўстановы, якiя выконваюць пакаранне і іншыя меры крымінальнай адказнасці (арт. 10 Крымінальна-выканаўчага кодэкса).

У мэтах рэалізацыі Канвенцыі аб правах інвалідаў, якую Беларусь падпісала 24 верасня 2015 года, Офіс па правах людзей з інваліднасцю прапануе наступныя формы супрацоўніцтва для адміністрацый органаў і ўстаноў, якiя выконваюць пакаранне і іншыя меры крымінальнай адказнасці:

• прадастаўленне літаратуры і інфармацыйных брашур па правах людзей з інваліднасцю для распаўсюджвання;
• аказанне кансультацый асобам з інваліднасцю пісьмова, па тэлефоне альбо асабіста, пры наведванні (па дамоўленасці з адміністрацыяй);
• аказанне кансультацый адміністрацыі ўстановы па пытаннях стварэння безбар'ернага і даступнай асяроддзя для людзей з інваліднасцю.

Адказы з месцаў пазбаўлення волі Офісу пакуль не паступалі.