Праваабарончая праграма "Вясна" на Беларускім Радыё Рацыя Аўдыё
Кожны аўторак у 21:05 (паўтор у суботу ў 7:00) у эфіры незалежнай радыёстанцыі “Беларускае Радыё Рацыя” - праграма "Вясна", якая асвятляе падзеі, датычныя правоў чалавека на Беларусі.
Анонс выпуска:
“Хроніка”: Крымінальную справу супраць праваабаронцы Андрэя Бандарэнкі вярнулі на дапрацоўку ў пракуратуру; У Гародні адмовілі ў правядзенні “марша недармаедаў”; Пачаліся затрыманні актывістаў, якія вядуць збор подпісаў супраць Дэкрэта №3, вядомага як дэкрэт аб дармаедах.
“Каментар”: : Сітуацыя з правамі чалавека ў месцах пазбаўлення волі застаецца вельмі складанай. Са ўсёй краіны да праваабаронцаў прыходзяць скаргі на цяжкія ўмовы утрымання і зневажальнае стаўленне да зняволеных з боку адміністрацыі. У дадатак, дзякуючы існаванню 411 артыкула Крымінальнага кодэксу, амаль любы асуджаны можа артымаць дадатковы тэрмін зняволення, не выходзячы на свабоду. Праваабаронца і былы палітвязень Мікалай Аўтуховіч распавядае пра гэтыя і іншыя праблемы ў беларускіх турмах і калоніях.
“Асоба”: Аналітык Маскоўскай Хельсінскай групы Мікалай Кастэнка. Ён распавядае пра становішча расійскіх праваабаронцаў, якое, дзякуючы прыняццю закону “Аб замежных агентах”, у апошнія некалькі гадоў рэзка пагоршылася, а таксама пра праблемы і выклікі, з якімі даводзіцца сутыкацца большасці некамерцыйных арганізацый.
У музычных паўзах – кампазіцыі ў выкананні гурта PAWA.
