Cпіс ахвяраў пераследу за акцыі грамадзянскага і сацыяльнага пратэсту: на 28 сакавіка - больш за 900 чалавек Дапоўнена
Ілюстрацыйнае фота
З 3-га сакавіка ўлады пачалі ўжываць жорсткія рэпрэсіі супраць удзельнікаў грамадзянскіх і сацыяльных акцый – у абарону Курапатаў у Мінску і супраць прэзідэнцкага Дэкрэта №3 у многіх гарадах Беларусі. З 3-га па 13-е сакавіка было затрымана больш за 70 чалавек - прадстаўнікоў палітычнай апазіцыі, грамадзянскіх актывістаў, журналістаў і звычайных пратэстоўцаў. Гэтая лічба пастаянна павялічваецца.
Паколькі сітуацыя дынамічна змяняецца, у ПЦ "Вясна" з’яўляецца новая інфармацыя з розных рэгіёнаў краіны, якая патрабуе ўдакладненняў.
Дакладна вядомыя факты затрыманняў, са спасылкамі на больш падрабязную інфармацыю з розных крыніцаў, зведзены ў адзіную табліцу, якая дапаўняецца.
Пазнакі колерам ў табліцы: блакітны - адміністратыўныя штрафы, сярод іх пазначаны асобы (пазнака чырвоным у каментарах), аштрафаваныя без факту затрымання; аранжавы - адміністратыўныя арышты; жоўты - паўторныя затрыманні; фіялетавы - затрыманыя па крымінальнай справе аб падрыхтоўцы "масавых беспарадкаў", для зручнасьці падпісваем - СІЗА.
