#БезПраваНаРасправу: «Удары наносілі без разбору - і дубінкамі, і берцамі»
Ілля Зубеня
Праваабарончы цэнтр "Вясна" прадстаўляе чарговую гісторыю ў межах мультымедыйнага праекта #БезПраваНаРасправу, прысвечанага выяўленню выпадкаў катаванняў і іншых жорсткіх, бесчалавечных ці прыніжаючых годнасць відаў абыходжання і пакарання з боку органаў улады і іншых дзяржаўных структур.
У раёне сталічнага парку Дружбы народаў 17 снежня сустрэліся два прыяцеля: слова за слова - вырашылі адзначыць сустрэчу, і не доўга разважаючы накіраваліся ў парк, пад бярозкі.
Двое міліцыянтаў, што праязджалі ў патрульнай машыне, «зафіксаваўшы» факт распіцця алкаголю, прынялі рашэнне затрымаць хлопцаў.
Тое, што пасля перанёс адзін з іх - Ілля Зубеня - надоўга пакіне след у яго далейшым лёсе: ён быў жорстка, аж да разрыву барабаннай перапонкі, збіты супрацоўнікамі міліцыі.
Іронія ў тым, што пяць гадоў таму адзін з міліцыянтаў ужо затрымліваў і збіваў Іллю.
Чытайце гісторыю Іллі Зубені цалкам
Калі вы ці вашы блізкія патрапілі ў сітуацыі, у якіх супрацоўнікі органаў МУС дзейнічалі з перавышэннем сваіх паўнамоцтваў, паведамляйце пра такія выпадкі ў Праваабарончы цэнтр "Вясна" па тэлефоне: +375 29 8413981 або па пошце: viasna@spring96.org
Інфармацыя ў сацыяльных сетках па хэш-тэгу: #БезПраваНаРасправу
