Брэст: усе суды з 18 красавіка перанесены на наступны тыдзень (расклад судоў) Дапоўнена

Як паведамляе праваабаронца "Вясны" з Брэста Уладзімір Вялічкін, усе суды над праціўнікамі акумулятарнага завода, якія мусілі адбыцца сёння, 18 красавіка, перанесены на 24, 25 і 26 красавіка.

Па меркаванні Вялічкіна, перанос звязаны з тым, што іншы берасцейскі праваабаронца Уладзімір Малей быў на прыёме ў старшыні Берасцейскага абласнога суду, дзе ўзняў тэму ганебнай сітуацыі, што склалася вакол Ленінскага раённага суду. А менавіта размова тычылася эпізода з "адкрытым" судом ў закрытай ўстанове - Ленінскім РАУС. 

Пасля гэтай сустрэчы сакратарка суддзі Аляксандра Семянчука абзваніла ўсіх, каму судовыя разбіральніцтвы былі прызначаныя на 18 красавіка, і перанесла разгляд адміністрацыйных спраў па артыкуле 23.34 КаАП на 24, 25, 26 красавіка.

СПІС БУДУЧЫХ СУДОЎ НАД ПРАЦІЎНІКАМІ АКУМУЛЯТAРНАГА ЗАВОДА:

• Казак Віталь - 24.04.2019 10:00
• Сендэр Віктар - 24.04.2019 10:30
• Басаргіна Кацярына 24.04.2019 11:00
• Вялаў Алег - 24.04.2019 11:30
• Андрасюк Зміцер -  24.04.2019 11:30
• Кандрацюк Ягор - 25.04.2019 10:30
• Абляк Алесь - 25.04.2019 11:00
• Абрамовіч Уладзіслаў - 25.04.2019 - 11:30
• Фесікава Таццяна 25.04.2019
• Вялічкін Уладзімір - 26.04.2019 10:00
• Свірскі Сяргей - 26.04.2019 10:00
• Казлоўскі Уладзімір - 26.04.2019 10:00
• Малышэнка Дзяніс - 26.04.2019 10:00
• Лепясевіч Дзем’ян -  26.04.2019 10:25

Нагадаем, што ў пятніцу 12 красавіка і ў нядзелю 14 красавіка ў Брэсце было затрыманы 18 актывістаў - праціўнікаў будаўніцтва ў горадзе акумулятранага завода. Затрыманыя правялі адну ці некалькі начэй у ізалятары, а ў панядзелак 15 красавіка іх спрабавалі судзіць прама ў будынку Ленінскага РАУС. У той дзень па артыкуле 23.34 КаАП (арганізацыя ці ўздзел у несанкцыянаваным масавым мерапрыемстве) асудзілі двух чалавек - Нікалая Трацюка і Алега Ярмоленку. Суды над астатнімі затрыманымі былі перанесены на розныя даты.

  Навіны ад Spring96.org у Telegram. Падпішыся на наш канал https://t.me/viasna96