"Перамогу святкаваць рана", - лічаць праціўнікі завода АКБ
Акцыя пратэсту ў Берасці 28 ліпеня 2019 г. Фота: "Берасцейская Вясна".
У Берасці на традыцыйную акцыю пратэсту супраць будаўніцтва акумулятарнага завода сабралася каля 150 чалавек. На думку праціўнікаў завода АКБ, перамогу святкаваць рана. Але іх радуе тое, што сітуацыя вярнулася ў прававое поле, паведамляе «Брэсцкая газета”.
Галоўнай тэмай нядзельнага абмеркавання была размова актывіста Дзмітрыя Бекалюка з намеснікам міністра прыроды Андрэем Хмелем. Нагадаем, чыноўнік растлумачыў сітуацыю з адмоўным заключэннем дзяржаўнай экалагічнай экспертызы праекта завода. Цяпер яно адзінае сапраўднае. Паводле яго інфармацыі, прычынай адмоўнага заключэння сталі недакладныя дадзеныя, закладзеныя ў праекце завода.
«Тое, пра што мы марылі ў студзені мінулага года ў Тэльмах, цяпер рэальнасць. Выказаць здагадку, што такое можа быць у Беларусі, цяжка. Гэта толькі дзякуючы людзям, якія паставілі свае подпісы супраць завода і якія рэгулярна кормяць галубоў», - лічыць адзін з лідэраў пратэстнага руху Дзмітрый Бекалюк.
Будаўніцтва акумулятарнага завода на прамысловай пляцоўцы «Аэрапорт» у СЭЗ «Брэст» пачалося ў канцы 2017 года. Яго запуск першапачаткова планаваўся ў жніўні 2018 года, потым у канцы 2018 года. У 2019 годзе тэрміны таксама не раз падаўжаліся.
Адначасова з будоўляй у Брэсцкім рэгіёне пачалася кампанія супраць з'яўлення ў СЭЗ гэтага прадпрыемства. На працягу ўсяго гэтага часу ініцыятыўная група берасцейцаў і жыхароў раёна, а таксама яе прыхільнікі пастаянна заяўляюць пра шматлікія парушэнні на розных этапах рэалізацыі праекта. Прадстаўнікі завода запэўнівалі, што парушэнняў няма, да нядаўніх часоў пра гэта казалі і чыноўнікі.
14 чэрвеня старшыня Брэсцкага аблвыканкама Анатоль Ліс прыпыніў будаўніцтва акумулятарнага завода да ліквідацыі выяўленых парушэнняў.
Пачынаючы з 4 сакавіка мінулага года кожную нядзелю праціўнікі завода выходзяць на плошчу Леніна пакарміць галубоў і тым самым выказаць свой маўклівы пратэст супраць завода. За гэты многіх з іх не раз затрымлівалі і штрафавалі.
Актывісты заяўляюць, што будуць выходзіць на плошчу і несці кругласутачнае дзяжурства каля завода, з фота- і відэафіксацыяй да таго часу, пакуль прадпрыемства не будзе закрыты.
Навіны ад Spring96.org у Telegram. Падпішыся на наш канал https://t.me/viasna96
