Праваабарончая праграма "Вясна" на Беларускім Радыё Рацыя
Кожны аўторак у 21:05 (паўтор у суботу ў 8:05) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека.
Хроніка: збітыя актывісты Маладога Фронту і БХД, акцыя-сустрэча блогера NEXTA ў Менску, берасцейцы супраць АКБ і пратэст пракурора Аляксандра Караля на прысуд Зміцеру Паліенку.
Падзея: У Вільні адбыўся семінар па механізмах ААН у сферы правоў чалавека. На ім прысутнічалі і праваабаронцы з ПЦ “Вясна”, у тым ліку Наталля Сацункевіч. Паралельна ў рубрыцы растлумачым, чаму беларусы не могуць звяртацца ў Еўрапейскі суд па правах чалавека (ЕСПЧ) і што аб’ядноўвае Беларусь з такімі краінамі, як М’янма, Эрытрэя і Самалі.
Час выбараў: Распачынаецца датэрміновае галасаванне, што азначае верагоднасць “загонаў”: калі людзей (найчасцей за ўсё студэнтаў) прымушаюць ісці галасаваць датэрмінова. А гэта — парушэнне правоў.
Асоба: Павел Левінаў, праваабаронца БХК, вядомы сваімі крэатыўнымі падыходамі. “Я аднойчы вырашыў прыкальнуцца і зрабіць пікет у чыстым полі” — але мясцовыя ўлады ў гэтым адмовілі (як і ў сходзе у грамадскім прыбіральні, у лазні, а таксама сходзе ў “Сходзе” [назва кафэ ў Віцебску] — паўсюль Левінаў хацеў сабрацца, каб абмеркаваць Закон аб масавых мерапрыемствах). “Мы спрабуем паказаць дурасць чыноўнікаў, якія даюць забарону проста на наша жыццё”, — кажа Левінаў. З іншага — праваабаронца вырашыў падпісаць петыцыю за адстаўку Лідзіі Ярмошынай ў кабінеце самой Лідзіі Ярмошынай. Пра ўсё гэта ён сам і распавядзе.
У музычных паўзах — кампазіцыі ў выкананні Vuraj.
