"Сустрэча вольных людзей" не абышлася без затрыманняў Фота Дапоўнена
Сёння на 18.00 у Мінску на Кастрычніцкай плошчы запланавана масавая акцыя "Сустрэча свабодных людзей", якую ў мінулую пятніцу анансавала грамадская кампанія "Еўрапейская Беларусь".
Зранку плошчу абгарадзілі стужкамі, шмат спецтэхнікі, праход забаронены. Па афіцыйнай версіі, для ўсталявання навагодняй елкі.
Праваабаронцам стала вядома, што да акцыі была затрымана Вольга Нікалайчык. На Кастрычніцкай плошчы затрымана актывістка Наста Гусева.
Таксама затрыманы актывісты "Еўрапейскай Беларусі" Максім Вінярскі, Андрэй Шарэнда, Андрэй Войніч і Яўген Афнагель.
За дзве гадзіны да пачатку мерапрыемства на плошчы ўжо прысутнічала не меней за 10 супрацоўнікаў у цывільным з рацыямі. Каля выхадаў з метро дзяжураць машыны ДАІ.
- Фота назіральнікаў #Controlby
На плошчы перад самым пачаткам акцыі раскіданыя кавалкі пліткі.
- Фота назіральнікаў #Controlby
Назіральнікі "Вясны" паведамляюць, што людзі збіраюцца каля Дварца прафсаюзаў.
Роўна ў 18.00 рабочыя пачалі пілаваць асфальт. Яны ўключылі адбойны малаток, які працуе вельмі гучна. З-за гэтага вельмі кепска чутна арганізатараў.
- Фота назіральнікаў #Controlby
- Фота назіральнікаў #Controlby
Ужо каля 90 чалавек на плошчы.
- Фота назіральнікаў #Controlby
Выступаюць палітык Мікола Статкевіч, аактывіст Алесь Круткін, рэжысёр Аляксей Туровіч і іншыя.
Жанчына распавядае пра тое, колькі адпісак яна атрымала ад дзяржавы.
- Фота назіральнікаў #Controlby
Статкевіч прапанаваў з-за дрэнных умоваў на Кастрычніцкай плошчы перайсці на плошчу Свабоды.
- Фота назіральнікаў #Controlby
На плошчы Свабоды ад 100 да 120 чалавек.
- Фота назіральнікаў #Controlby
Тым часам стала вядома, што на Кастрычніцкай плошчы затрымана актывістка Наста Гусева.
Па стане на 19.00 на плошчы Свабоды каля 200 чалавек.
- Фота назіральнікаў #Controlby
Прыкладна ў 19.15 акцыя скончылася. Мікалай Статкевіч заклікае ўсіх прысутных прыходзіць заўтра, 16 лістапада, на новую акцыю ў 18-00.
Напярэдадні акцыі распачаўся ціск на блогераў, якія актыўна заклікалі прыйскі на акцыю. Спрабавалі затрымаць гомельскага блогера Сяргея Ціханоўскага, выклікалі ў пракуратуру Уладзіміра Цыгановіча (MozgON) і Сяргея Пятрухіна. Таксама некаторыя актывісты сёння атрымалі афіцыйныя папярэджанні ў Генеральнай паркуратуры наконт недапушчальнасці парушэння заканадаўства аб масавых мерапрыемствах.
Навіны ад Spring96.org у Telegram. Падпішыся на наш канал https://t.me/viasna96
