Праваабаронцы ўпершыню прэзентуюць даклад па правах дзіцяці ў Беларусі

У Беларусі ўпершыню падрыхтавалі альтэрнатыўны даклад у Камітэт па правах дзіцяці. 

• Цi выконваюцца ў Беларусі палажэнні Канвенцыі па правах дзіцяці?
• Ці забяспечваюцца інтарэсы дзяцей у нашай краіне?
• А як ідуць справы з грамадзянска-палітычнымі правамі дзіцяці, гвалтам у адносінах да дзяцей, спецыяльнымі мерамі абароны?

Пра гэта і многае іншае — на прэзентацыі дакладу. Мерапрыемства адбудзецца ў пятніцу, 20 снежня, у 11:00 па адрасе вул. Мяржынскага, 8-26 (метро "Парк Чалюскінацаў").

На прэзентацыю запрашаюцца журналісты і прадстаўнікі грамадскіх аб'яднанняў.

Даклад падрыхтаваны беларускімі праваабарончымі і грамадскімі аб'яднаннямі ў кааліцыі з Хельсінкскім фондам па правах чалавека (Польшча):

• Рэспубліканскае праваабарончае грамадскае аб'яднанне "Беларускі Хельсінкскі Камітэт",
• Праваабарончы цэнтр "Вясна",
• «Цэнтр па прасоўванні правоў жанчын — Яе правы»,
• Экспертна-прававое таварыства "Ініцыятыва «Forb»",
• Асветніцкая прыватная ўстанова «Цэнтр праблем дзіцячага развіцця «Левания»,
• Асветніцкая ўстанова «Офіс па правах людзей з інваліднасцю»,
• Установа "Кансультацыйны цэнтр па актуальных міжнародных практык і іх імплементацыі ў праве "Human Constanta"".