Палітвязня Мікіту Емяльянава этапавалі ў Бабруйск
Палітвязня Мікіту Емяльянава этапавалі ў папраўчую калонію №2 горада Бабруйск. Пра гэта паведамляе ў фэйсбуку кампанія dissidentby. Другі палітвязень Іван Комар, асуджаны разам з Мікітай, знаходзіцца таксама ў Магілёўскай вобласці – у калоніі №17 Шклова.
Як адзначаюць юрысты "Вясны", пры пераводзе ў калонію ўсе зняволеныя павінны прайсці абавязковую працэдуру на два тыдні – каранцін. За гэты час зняволеных афармляюць, размяркоўваюць па атрадах, прымаюць ад іх абавязацельствы аб правапаслухмяных паводзінах, праводзяць медыцынскі агляд, знаёмяць з правіламі паводзін.
Вядома, што да сённяшняга дня, 20 красавіка, на каранціне знаходзіўся Іван Комар. Дата этапавання ў бабруйскую калонію Мікіты Емяльянава пакуль невядомая, таму, калі павінен скончыцца для яго каранцін – таксама невядома. Інфармацыя ўдакладняецца.
Палітвязень Іван Комар цяпер на каранціне. Што гэта значыць?
|
Вызначэнне паняцця "палітычны вязень" Мікіта Емяльянаў і Іван Комар — актывісты анархісцкага руху, асуджаныя 12.02.2020 года судом Савецкага раёна г. Мінска да 7 гадоў пазбаўлення волі ў калоніі ўзмоцненага рэжыму. 27 сакавіка Мінгарсуд па апеляцыйнай скарзе зменшыў тэрмін Івану Комару да 3,5 гадоў калоніі ўзмоцненага рэжыму, а Мікіту Емяльянаву — да 4 гадоў. Заява аб прызнанні палітвязнем Прававое абгрунтаванне пазіцыі "Вясны" па крымінальнай справе Мікіты Емяльянава і Івана Комара Адрас для лістоў Івану Комару: Папраўчая калонія-17, вул. 1-я Заводская, д.8, г. Шклоў, 213004 Адрас для лістоў Мікіту Емяльянаву: Папраўчая калонія-2, вул. Сікорскага, д. 1, г. Бабруйск, 213800 |
"Хачу напісаць вязню!" Распавядаем, як гэта зрабіць
