Пасля арышту адшукаўся яшчэ адзін удзельнік сустрэчы блогераў каманды "Краіна для жыцця"
Аляксандр Арановіч і Уладзімір Няронскі. Фота TUT.BY
Знайшоўся яшчэ адзін удзельнік сустрэчы падпісчыкаў Сяргея Ціханоўскага, які разам з блогерам Уладзімірам Няронскім вырашыў 5 траўня падтрымаць ініцыятыву.
Пасля сустрэчы блогераў 5 траўня ў Магілёве адзін з удзельнікаў Яўген Дубовік перастаў выходзіць на сувязь. Прычым, як высветлілася праз некалькі дзён, супрацоўнікі міліцыі не далі яму магчымасці паведаміць пра сваё затрыманне нават жонцы.
Дубовіка затрымалі разам з удзельнікамі каманды " Краіна для жыцця" каля пасёлка Дружны і адвезлі ў Маріну Горку, дзе за ўдзел у несанкцыянаваным масавым мерапрыемстве (арт 23.34 КаАП) пакаралі арыштам на 5 сутак.
Справу разглядаў суд Пухавічскага раёна. Суддзя – Вольга Бабук.
Уладзіміра Няронскага таксама асудзілі, але ў Магілёве за “арганізацыю несанкцыянаванага мітынгу» на 10 сутак арышту.
Зараз Яўген Дубовік займаецца лёсам свайго аўтамабіля, які знаходзіцца на стаянцы ў аддзеле міліцыі. У аўтамабіля разбітае шкло.
