Пад Пухавічамі затрымалі блогера Сяргея Пятрухіна Дапоўнена
Блогер Сяргей Пятрухін. Фота: ПЦ "Вясна"
Блогера, аўтара каналаў "Народны рэпарцёр" і "Youtube-дэпутаты" Сяргея Пятрухіна затрымалі днём 16 чэрвеня.
Ён знаходзіўся ў вёсцы ў Пухавіцкім раёне ў доме сваёй сяброўкі. Каб затрымаць блогера, туды прыехалі два буса з міліцыянтамі і з самага ранку сачылі за домам. Перад затрыманнем яны паведамілі Пятрухіна, што забіраюць адбываць яго "неадбытыя суткі".
Куды менавіта павезлі блогера - пакуль невядома.
Напярэдадні ў Брэсце быў затрыманы паплечнік Пятрухіна, блогер і прэс-сакратар ініцыятыўнай групы Святланы Ціханоўскай Аляксандр Кабанаў. Зараз ён знаходзіцца ў ізалятары часовага ўтрымання Ленінскага РАУС Брэста. Прычыны затрымання дагэтуль невядомыя.
Cа слоў праваабаронцы Барыса Бухеля, з ім звязалася жанчына, якая на час затрымання прысутнічала на дачы сваёй сяброўкі, дзе затрымалі Пятрухіна. Сказала, што была там падчас агляду дачы і затрымання Сяргея, і што ён цяпер знаходзіцца ў аддзяленні міліцыі ў пасёлку Дружны ў Пухавіцкім раёне. Падчас размовы побач была гаспадыня дачы і нейкі мужчына. Сказалі, што паедуць у АУС, павязуць перадачу.
У Брэсце затрымалі прэс-сакратара ініцыятыўнай групы Ціханоўскай Аляксандра Кабанава
