“Ласкавыя” затрыманні падчас Ланцугоў салідарнасці. Як гэта было? — Восьмы выпуск падкаста “Вясна прыйдзе” Аўдыё
Па звестках праваабарончага цэнтра “Вясна”, падчас Ланцугоў салідарнасці толькі ў Мінску 19 і 20 чэрвеня было затрымана больш за 260 чалавек.
Як заявіў міністр МУС Юрый Караеў, пры затрыманнях супрацоўнікі праяўлялі максімальную вытрымку:
“Затрымлівалі толькі тых, хто спецыяльна і наўмысна, ігнаруя шматлікія патрабаванні і нават намёк з фізічным выштурхоўваннем — ну ласкавым такім, несілавым — усё роўна стараліся працягнуць гэтыя мерапрыемствы, дэстабілізаваць абстаноўку…”
Пагаварылі з людзьмі, якіх у тыя дні затрымалі. І [чамусьці] іх досвед сведчыць аб адваротным:
- заштурхнулі ў аўтазак, калі стаяў на аўтобусным прыпынку,
- наляцелі ззаду, заламалі рукі,
- “ціхары” (супрацоўнікі ў штатскім) не прадставіліся, адвялі ў звычаны мікрааўтобус без апазнавальных знакаў, ад’ехалі і потым перасадзілі ў аўтазак,
- у аўтазаку білі нагой па галаве, пасадзілі на падлогу і прыдушылі.
Падрабязней пра свой досвед і распавядуць самі мінчукі, якія апынуліся ў тым віры “ласкавых” затрыманняў.
Слухайце на Soundcloud:
Падпісвайцеся на падкаст "Вясна прыйдзе" на Soundcloud, каб атрымліваць паведамленні пра новыя выпускі!
А таксама спампуйце мабільную версію Soundcloud для таго, каб слухаць выпускі нашага падкаста праз тэлефон.
Будзем удзячныя за рэпосты і расшары!)
Як распазнаць “ціхара”? Сёмы выпуск падкаста "Вясна прыйдзе"
