Мазырскага блогера затрымалі паўторна і адвезлі ў Следчы камітэт у Мінску
Скрыншот з відэа.
Актывіста "Краіны для жыцця" Руслана Парфёнава 19 жніўня затрымалі ў Мазыры - праз суткі пасля таго, як выпусцілі з ІЧУ. Пра гэта TUT.BY паведаміла маці блогера.
Мужчына збіраўся у лякарню да дачкі, але да яе так і не даехаў. Родным вядома, што зараз яго вязуць у Менск, у Следчы камітэт.
У першы раз, па інфармацыі ПЦ "Вясна", Руслана Парфёнава затрымалі 6 жніўня. 8 жніўня па АНТ паказалі сюжэт: у ім нібыта Руслан прызнаецца ў вырабе "вожыкаў", якія прызначаліся для таго, каб спыняць тэхніку сілавых органаў.
Але родныя і сябры Руслана яго ў гэтым сюжэце не пазналі.
"Руслан-здаровы, высокі, а тут нейкі хударлявы юнак, на 10 гадоў маладзейшы", - распавядаў тады "Радыё Свабода" сябар Руслана Андрэй.
Маці Руслана паведаміла TUT.BY, што раніцай у панядзелак, 17 жніўня, сына выпусцілі з ІЧУ. У аўторак ён схадзіў на працу. А сёння раніцай яго зноў затрымалі — цяпер, па яе словах, падазраюць у арганізацыі масавых беспарадкаў.
