Probono.by прапануе дапамогу пацярпелым ад рук сілавікоў

Валанцёрскі праект Probono.by з'явіўся пасля масавых затрыманняў і збіцця удзельнікаў мірных акцый пратэстаў як дапамога ў розных накірунках для пацярпелых ад дзеянняў сілавікоў.

На платформе сабраныя кантакты спецыялістаў у галіне:

• медыцыны,
• псіхалогіі,
• юрыспрудэнцыі,
• адвакатуры,
• праваабароны і іншыя.

Таксама прапануецца аўтадапамога, дапамога ў пошуку працы і перакваліфікацыі, фінансавая дапамога.

У межах партала дзейнічае адзіны шматканальны кругласутачны кантакт-цэнтр. Калі вы маеце патрэбу ў дапамозе - тэлефануйце: +375 44 709-79-11.

"Наша задача звязаць пацярпелага з людзьмі, якія гатовыя яму дапамагчы. Нашы інструменты: гэты партал і валанцёрскі кол-цэнтр", - гаворыцца на сайце ініцыятывы.

Таксама падпісвайцеся на тэлеграм-канал, у якім штодня з'яўляюцца анонсы ініцыятыў, гатовых прапанаваць бясплатна свае паслугі.