У кампаніі PandaDoc ператрус - яе заснавальнік дапамагае сілавікам кінуць працу
Мікіта Мікадо. Фота:dev.by
Як паведамляюць супрацоўнікі кампаніі і Telegram-канал "Матолькопомогі", у менскім офісе кампаніі PandaDoc супрацоўнікі ДФР праводзяць ператрус.
Па інфармацыі kyky.org на канале «МотолькоПомоги» з'явілася паведамленне асабіста ад фаундера кампаніі Мікіты Мікадо: «У наш менскі офіс прыйшоў дэпартамэнт па фінансавых расследаваньнях. Забралі дырэктара".
Таксама чытач KYKY паведаміў нам: "у шэрагу супрацоўнікаў PandaDoc праводзяцца ператрусы па месцы жыхарства".
Нагадаем, яшчэ 12 жніўня Мікіта запісаў зварот да беларускіх сілавікоў. Ён паклікаў іх перайсці на "светлы бок" і прапанаваў сваю дапамогу – тады, магчыма, супрацоўнікі органаў "перастануць збіваць жанчын і весці вайну з уласным народам". А пасля дапамог стварыць ініцыятыву Protect Belarus, на дапамогу якой ужо разлічваюць больш за 400 экс. або будучых экс-сілавікоў. Цяпер Мікіта жыве не ў Беларусі, а ў Лондане, але ўзяў адпачынак, каб дапамагаць землякам.
