Праваабарончая праграма "Вясна" на Беларускім Радыё Рацыя
Кожны аўторак у 21:05 (паўтор у суботу ў 8:05) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць на сайце Беларускага Радыё Рацыя па любых са спасылак тут, альбо тут.
Анонс праграмы на 8 верасня:
Падзея: У Мінску затрыманы журналіст-фрылансер Арцём Сізінцаў, які супрацоўнічае з Беларускім Радыё Рацыя. Як яго шукалі і чаму ў выніку ён трапіў у Жодзіна?
Тым часам над затрыманай журналісткай-фрылансеркай Настай Захарэвіч правялі суд праз відэаканферэнцсувязь, вынікам чаго стаў арышт у 7 сутак. Як гэта было?
Асоба: Асабісты досвед мінчука Ігната нібы адлюстроўвае тое, што адбываецца агулам ў краіне. 10 жніўня ён бачыў, як светашумавой гранатай адарвала нагу маладому хлопцу. А 26 жніўня Ігнату самому давялося праехацца ў аўтазаку, “сцены якога дагэтуль не адмылі ад крыві”.
Каментар эскперта: Разам з праваабаронцам магілёўскай філіі Вясны Аляксеем Колчыным прасочым, што ж адбывалася ў Магілёве з 9 па 13 жніўня і ці адрозніваецца градус рэпрэсій у параўнанні з мінскім сцэнаром.
У музычных паўзах — кампазіцыі ў выкананні гурта KRIWI.
