Брэст: Пікеты па збору подпісаў праходзяць у ажыўленых месцах
Члены ініцыятыўнай групы Андрэя Саннікава пакуль аддаюць перавагу збіраць подпісы на тэрыторыі каля цэнтральнага рынку Брэста, якая лічыцца вельмі прывабнай з пункту гледжання стасункаў з людзьмі. 5 кастррычніка Саннікаў асабіста прыязжаў на месцы пікету і гутарыў як з сябрамі сваёй ініцыятыўнай групы, так і з брэстаўчанамі (у працэсе гутаркі некаторыя з гараджан выказалі жаданне паставіць свае подпісы за яго вылучэнне).
Каля цэнтральнага рынку штодня арганізуюць пікеты і прадстаўнікі іншых патэнцыйных прэтэндэнтаў у кандыдаты ў прэзідэнты, напрыклад, Уладзіміра Някляева. У мінулыя выходныя сябры ініцыятыўнай групы Някляева арганізавалі некалькі пікетаў у ажыўленых месцах, што па іх прызнанню, дало добры вынік. Пікеты ў падтрымку гэтага кандыдата таксама арганізуюцца ў ЦУМа, кінатэатра «Беларусь», гандлёвага цэнтра «Юбілейны». У гэтых дастаткова шматлюдных месцах прадстаўнікі ініцыятыўных груп іншых патэнцыйных кандыдатаў у прэзідэнты пакуль заўважаны не былі.
"Праваабаронцы за свабодныя выбары"
