У Пінскім раёне 70 камісій сфармаваны за 5 хвілін

1 лістапада адбылося супольнае паседжанне Пінскага раённага выканаўчага камітэта і прэзыдыюму Пінскага раённага савета дэпутатаў. На паседжанні разглядалася пытанне аб фармаванні ўчастковых камісій. З улікам таго, што апазіцыйныя партыі і дэмакратычныя незалежныя арганізацыі не здолелі прапанаваць сваіх людзей у раён -  70 участковых камісій былі сфармаваны без дыскусій і абмеркаванняў вельмі хутка, амаль за 5 хвілін. 

На заўтрашні дзень, 3 лістапада, запланавана паседжанне па фармаванні ўчастковых камісій у горадзе Пінску. Прыемна ўразіла назіральнікаў, што на афіцыйным сайце Пінскага гарвыканкаму зявілася аб’ява наступнага зместу: “Пінскі гарвыканкам інфармуе зацікаўленых аб тым, што разгляд пытання аб утварэнні ўчастковых камісій па выбарах Прэзідэнта Рэспублікі Беларусь адбудзецца заўтра, 3 лістапада 2010 года, у 10.00 у кабінеце 19, па адрасу г. Пінск, вул. Дняпроўскай флатыліі, 21”. Варта адзначыць, што ў Пінску Партыя БНФ і “Справядлівы свет” прапанаваліі 19 сваіх прадстаўнікоў у камісіі дадзенага ўзроўню.

“Праваабаронцы за свабодныя выбары”