Брэст: Чарговыя правакацыйныя ўлёткі
Ва ўлётцы ўтрымліваецца вельмі негатыўная інфармацыя пра мясцовага індывідуальнага прадпрымальніка Віктара Чайкоўскага, які з’яўляецца сябрам ініцыятыўных груп адразу некалькіх альтэрнатыўных вылучэнцаў кандыдатамі ў прэзідэнты РБ.
Варта заўважыць, што ўлётка выпушчана пад загалоўкам “Рэальная праўда ад кампаніі “Гавары праўду!” і на ёй размешчаны лагатып гэтай грамадзянскай ініцыятывы. Унізе ўлёткі як аўтар тэксту пазначаны каардынатар кампаніі ў брэсцкім рэгіёне Мікалай Коўш (на фота), аднак сам ён называе гэтую друкаваную прадукцыю правакацыяй, а звесткі, што змяшчаюцца ў ёй, спробай ўнесці разлад ў шэрагі актывістаў дэмакратычнага руху напярэдадні прэзідэнцкіх выбараў.
Мінулым летам у Брэсце ўжо з'яўляліся падобныя ўлёткі пад лагатыпам “Гавары праўду!”, і тады яны хацелі дыскрэдытаваць іншага актывіста - Арцёма Церашонка. Па яго заяве супрацоўнікі міліцыі пачалі праверку, аднак знайсці арганізатараў і выканаўцаў той правакацыі не ўдалося. Абедзве ўлёткі аб'ядноўвае той факт, што ў выходных дадзеных пазначана, што аддрукаваныя яны нібыта ў расійскім горадзе Ліпецку ў друкарні “Букініст”.
«Праваабаронцы за свабодныя выбары»
