Афармленне ўчасткаў у Полацку: хто на што здольны
"Полацкшкловалакно".
Сфармаваныя ў Полацку ўчастковыя камісіі ўжо абазначылі сваё месцазнаходжання. І зрабілі гэта па-рознаму.
Участковыя камісіі ў Полацку з выбараў у выбары знаходзяцца ў адных і тых жа ўстановах. Гэта гарадскі і раённы Палацы культуры, Палац культуры “Шкловалакно”, шэраг каледжаў і школ горада. “Касцяк” камісій таксама значна не мяняецца.
Згодна з указаннямі гарадской камісіі па выбарах, участковыя камісіі ці не з дня ўтварэння абсталёўваюць адпаведныя памяшканні і інфармуюць палачан аб сваім існаванні адпаведнымі інфармацыйнымі стэндамі. Паколькі сродкаў на гэта не выдзяляецца, атрымліваецца гэта па-рознаму. Найбольш ярка і прыцягальна нават для выпадковых мінакоў падалі інфармацыю аб месцазнаходжанні камісіі і ўчастка для галасавання ў полацкім Палацы культуры “Шкловалакно”. У школах усё выглядае значна больш сціпла, хаця ўся неабходная інфармацыя – нумар участка, назвы вуліц і нумары дамоў, якія галасуюць на дадзеным участку, падаюцца і тут.
“Праваабаронцы за свабодныя выбары”
