У гомельскіх крамах - «платная агітацыя»

У гомельскіх крамах агітуюць «За моцную і квітнеючую Беларусь» -- такія слоганы з’явіліся на пакетах у крамах. У прыватнасці, пакупнікам у кропках гандлёвага прадпрыемства «Табаквінторг» прапаноўваюць загрузіць пакупкі ў чырвона-зялёныя пакеты, на якіх размешчаны слоган «За сильную и процветающую Беларусь», дата выбараў – 19 снежня 2010 года, а таксама беларускі дзяржаўны герб.

Такім чынам, прасоўваецца ў шырокія масы агітацыя за дзеючую ўладу, прычым – платная, бо за «пакеты з выбарамі» трэба на касе заплаціць. Вось і атрымліваецца, што грошы – у кішэню дзяржавы, а прапаганду – у народ.

"Праваабаронцы за свабодныя выбары"