Жыхары смаргонскіх “Каранёў” не змаглі ўбачыць выступ зямляка-кандыдата
Алесь Дзергачоў
26 лістапада акурат праз дзве хвіліны пасля пачатку тэлевыступу кандыдата ў прэзідэнты Уладзіміра Някляева ў смаргонскім мікрараёне "Карані” раптоўна прапала электрычнасць і адсутнічала 47 хвілін. Працягласць тэлевыступу – 30 хвілін.
Адзначым, што ў Смаргоні каля 80% з больш чым 400 подпісаў за вылучэнне Уладзіміра Някляева кандыдатам у прэзідэнты сабраныя менавіта ў гэтым мікрараёне.
Паводле сведчанняў дзяжурнага Смаргонскага РЭС, адбыўся падземны разрыў электракабеля, таму электрычнасць адсутнічала, пакуль не знайшлі месца разрыву і не падключылі электрычнасць з другога накірунку.
Жыхары ж мікрараёна мяркуюць, што гэта спланаваная акцыя. Смаргонскія праваабаронцы Ірына Вештард і Алесь Дзергачоў паведамілі, што будуць дамагацца, каб сарваны тэлевыступ быў паказаны для каранёўцаў у запісу.
"Праваабаронцы за свабодныя выбары"
