Пінск: Таямніца ахоўваецца надзейна

Месцы працы сяброў камісіі засакрэчваюцца нават ад іншых сябраў гэтай жа камісіі. Так, прадстаўнік Партыі БНФ, Аляксандар Рамановіч, які з’яўляецца сябрам пінскай участковай камісіі № 26, паспрабаваў даведацца, дзе працуюць ягоныя калегі па камісіі. Гэтыя дадзеныя патрэбны былі яму для праверкі законнасці фармавання складу выбарчай камісіі. Старшыня камісіі не пажадаў адказаць на пытанне, і тады Аляксандр Рамановіч накіраваў афіцыйны запыт у Пінскую гарадскую выбарчую камісію. У адказ прыйшло паведамленне, што склад камісіі адпавядае артыкулу 34 Выбарчага кодэксу Беларусі: “сярод 13 сябраў камісіі няма ніводнага суддзі, пракурора, кіраўніка выканаўчага і распарадчага органа, а таксама дзяржаўнага служачага”.  Аднак, спраўдзіць гэта немагчыма, таму, што месцы працы сяброў участковай камісіі прадстаўніку Партыі БНФ так і не выдалі.

“Праваабаронцы за свабодныя выбары”