Кіраўніку чачэнскага "Мемарыяла" у судзе ўручылі праваабарончую прэмію ПАСЕ
Чачэнскаму праваабаронцу і кіраўніку рэгіянальнага аддзялення цэнтра "Мемарыял" Аюбу Ціціеву, якога абвінавачваюць у распаўсюдзе наркотыкаў і ўтрымліваюць у СІЗА, адвакаты ўручылі праваабарончую прэмію Парламенцкай асамблеі Рады Еўропы імя Вацлава Гаўла. Пра гэта ў сваім фэйсбуку распавёў адвакат Ілля Новікаў, піша "Настоящее время".
Прэмію Ціціеву перадалі падчас паседжання ў Шалінскім судзе - у момант, калі праваабаронца знаходзіўся за кратамі.
Аюб Ціціеў атрымаў у Шалінскім судзе праваабарончую прэмію ПАСЕ імя Вацлава Гаўла
ПАСЕ прысудзіла прэмію кіраўніку чачэнскага "Мемарыяла" у пачатку кастрычніка ў Страсбургу. Тады ж на пасяджэнні зачыталі зварот Ціціева - у ім ён распавёў пра "атмасферу беспакаранасці", якая пануе ў Чачні, і сфабрыкаваныя крымінальныя справы, якія суправаджаюцца, паводле яго слоў, катаваннямі і здзекаваннямі.
Прэмія Вацлава Гаўла ўручаецца штогод за грамадзянскую мужнасць і выдатныя дасягненні ў галіне абароны правоў чалавека. Упершыню прэмію ўручылі ў 2013 годзе. З тых часоў у Расію яна сыходзіла толькі ў 2015 годзе - тады лаўрэатам прэміі стала праваабаронца Людміла Аляксеева. 30 верасня 2013 года Прэмія Вацлава Гаўла ў галіне правоў чалавека была прысуджана зняволенаму на той момант старшыні Праваабарончага цэнтра "Вясна" Алесю Бяляцкаму.
Кіраўніка чачэнскага "Мемарыялу" Аюба Ціціева ў студзені 2018 года арыштавалі і абвінавацілі ў распаўсюдзе наркотыкаў.
12 лістапада адбыўся 21 дзень суда над праваабаронцам, на якім скончыўся допыт сведак.
Каментуючы гэты дзень, адвакат Пётр Заікін сказаў:
«Я ўдзячны Сяргею Бабінцу і Дзмітрыю Утукіну за іх паказанні. Яны дазволілі суду, як мне здаецца, зразумець матывы пераследу Аюба Салманавіча. Ён сапраўды быў неацэнным чалавекам з пункту гледжання камунікацыі паміж пацярпелымі жыхарамі Чачні і праваабаронцамі, якія прыязджалі ў камандзіроўкі з іншых рэгіёнаў. У дачыненні да гэтых людзей або іх сваякоў часам здзяйснялася абсалютная дзікунства, звязаная з выкраданнямі, катаваннямі і знікненнямі. Ісці да незнаёмага чалавека і нешта паведамляць яму гэтыя людзі баяцца, а Аюбу Салманавічу давяраюць. Гэта вельмі важна. Зразумела, што такі праваабаронца ўладазаможных вельмі раздражняў. Па сутнасці, ліквідаваўшы гэта звяно ў ланцужку грамадскіх расследаванняў, можна звесці да нуля эфектыўнасць працы праваабаронцаў, якія прыязджаюць з-за межаў Чачні. Я спадзяюся, што мы зможам данесці да суда - усё, што мы тут назіраем, прадыктавана толькі імкненнем зрабіць немагчымым правядзенне грамадскіх расследаванняў злачынстваў, учыненых супрацоўнікамі праваахоўных органаў на тэрыторыі ЧР».
Наступнае паседжанне прызначанае на 19 лістапада.
