Жанчыну асудзілі на тры гады "хатняй хіміі" за абразу Лукашэнкі

У судзе Ленінскага раёна Мінска 12 траўня асудзілі Алесю Жалязоўскую паводле ч. 1 арт. 368 (Абраза Лукашэнкі) Крымінальнага кодэкса. Суддзя Юлія Шчоткіна прызначыла Алесі тры гады абмежавання волі без накіравання ў папраўчую ўстанову адкрытага тыпу (“хатняй хіміі”).

Жанчыну абвінавацілі ў тым, што яна ў адным з тэлеграм-чатаў пакінула абразлівы каментар у бок Лукашэнкі пад яго партрэтам. Да суда яна знаходзілася пад вартай.

Алеся мае сярэднюю тэхнічную адукацыю, працуе галоўнай спецыялісткай па тэндарнай працы ў таварыстве з абмежаванай адказнасцю.

Жанчыну вызвалілі ў зале суда.