Праваабарончая праграма "Вясна" на Беларускім Радыё Рацыя
Кожны аўторак у 20:05 па беларускім часе (паўтор у суботу ў 7:00) у эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Анонс на 11 ліпеня:
Каментар: Набліжаецца 14 ліпеня — у гэты дзень два гады таму затрымалі трох прадстаўнікоў праваабарончага цэнтра "Вясна": Аалеся Бяляцкага, Валянціна Стэфановіча і Уладзіміра Лабковіча. Што будуць рабіць калегі палітзняволеных вясноўцаў у гэты дзень? Пра гэта распавядае прадстаўніца ініцыятывы FreeViasna Даша.
Асоба: Гісторыя адной беларускі — Вольгі Паўлавай, якая вымушана была пакінуць радзіму з-за рэпрэсій.
Па-за межамі: "Гэта як рытуал". У Беларускім Моладзевым Хабе ў Варшаве працягваюць штосераду пісаць лісты палітвязням.
