Праваабарончая праграма "Вясна"
Кожны аўторак у 19:05 па беларускім часе ў эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Правааабарончы слоўнік: Масавы расстрэл беларускай інтэлігенцыі ў 1937 годзе прыпадае на 29 кастрычніка.
Каментар: У Беларусі будзе ўжо трэці спецыяльны дакладчык па сітуацыі з правамі чалавека ў ААН. Ім будзе Нілс Муйжніекс. А папярэднімі былі Міклаш Харашті і Анаіс Марэн — апошняя была спецдакладчыцай на працягу шасці гадоў. Успомніць гэты час нам дапаможа юрыст і намеснік старшыні Беларускай асацяцыі журналістаў Алег Агееў.
Каментар эксперта: Міжнародны камітэт па расследаванні катаванняў у Беларусі апублікаваў расследаванне пра жорсткае абыходжанне і катаванні ў гомельскай жаночай калоніі №4. Дакумент раскрывае факты пра жаночую калонію. Вынікі прадставіў галоўны расследвальнік і заснавальнік камітэту Сяргей Усцінаў.
