Прэтэндэнт у кандыдаты ў дэпутататы на будучых парламенцкіх выбарах Зьміцер Бародка пазбаўлены магчымасьці выязджаць за мяжу.

Пра гэта паведаміў сайт Грамадзянскай ініцыятывы «Хартыя-97». Як заявіла Зьміцеру Бародку намесьніца барысаўскага гарадскога пашпартнага стала Людміла Галадок, яна атрымала ўказаньне з Камітэту Дзяржаўнай бясьпекі «пакуль прытрымаць» станоўчае рашэньне пра пячатку, якая дазваляе «шматразовы выезд ва ўсе краіны сьвету». Указаньне не ставіць штамп сыходзіць, па словах Галадок, ад начальніка упраўленьня КДБ па Мінску і Мінскай вобласьці Мікалая Новіка.