13 сьнежня ў Жодзіна супрацоўнікі міліцыі апячаталі офіс “Маладога фронту”.

Пра гэта паведаміла Радыё Свабода. Сябры “Маладога фронту” арандавалі прыватную кватэру пад офіс сваёй арганізацыі. 13 сьнежня на кватэры прыйшлі намесьнік кіраўніка аддзелу ў справах непаўнагадовых Гарошка і выканаўца абавязкаў начальніка жодзінскай міліцыі Ільіч. Паводле іх словаў, у міліцыю паступіла заява аб тым, што кватэра выкарыстоўваецца пад офіс. Маладафронтаўцаў папярэдзілі, што за спробу зноў заняць офіс іх прыцягнуць да крымінальнай адказнасьці.