"Дамова з правасуддзем" у Беларусі не будзе перавышаць $60 тысяч

Кошт "дамовы з правасуддзем" у Беларусі будзе прызначаць дзяржаўны абвінаваўца. Яна ў эквіваленце не будзе перавышаць 60 тысяч долараў ЗША. Пра гэта паведаміў на прэс-канферэнцыі ў Мінску старшыня Вярхоўнага суда Беларусі Валянцін Сукала.

Адпаведныя прапановы ўносяцца ў крымінальна-працэсуальнае заканадаўства Беларусі. Сума "дамовы з правасуддзем" будзе абазначацца ў базавых велічынях. Яна складзе ад 300 базавых да 5000 базавых велічынь, паведамляе "Еўрарадыё".

Гэты, не зусім класічны від "дамовы",  дазволіць абвінавачваным, пры ўмове выплаты дзяржаве нанесенай матэрыяльнай шкоды і выплаты ў 60 тысяч даляраў, пазбегнуць крымінальнага пакараньня.