Цкаванне «Борисовских новостей» працягваецца
Пакуль рэдакцыя змагаецца за вяртанне ліцэнзіі на раздробны гандаль, раённыя ўлады чыняць перашкоды іншым прадпрыемствам, якія хочуць прадаваць недзяржаўнае выданне.
Як распавёў прэс-службе БАЖ заснавальнік і рэдактар «БН» Анатоль Букас, днямі ён заключыў дамову на рэалізацыю газеты з новым быуйным універсамам «Алмі». У сярэдзіне мінулага тыдня прадстаўнікі крамы звязаліся па тэлефоне з Барысаўскім райвыканкамам, каб даведацца, якія дакументы патрэбны для ўзгаднненя асартыментнага пераліку іх тавараў, — у прыватнасці, газеты «Борисовские новости». У адказ яны пачулі, што ўзгаднення «Алмі» не атрымае, пакуль не прадаставіць пісьмовага дазволу ад Мінінфармацыі на продаж выдання.
Нядаўна райвыканкам адмовіўся ўзгадніць асартыментны пералік тавараў універсама «Веста», з якім рэдакцыя «БН» заключыла дамову паўтара месяцы таму. У той жа час, паводле А. Букаса, у «Весты» ёсць 18 гандлёвых аб’ектаў, дзе прадаецца газета «Адзінства» (заснавальнік — Барысаўскі райвыканкам).
