Пракуратура папярэдзіла маладафронтаўку пра артыкул 193.1
https://spring96.org./be/news/30745
2009
2009-12-29T10:08:33+0200
2009-12-29T10:08:33+0200
1970-01-01T03:00:00+0300
be
https://spring96.org./files/images/sources/mf2.jpg
Пракуратура вынесла папярэджаньне кіраўніцы берасьцейскай філіі "Маладога Фронту" Юліі Пашко.
Маладафронтаўка атрымала пазоў з вабласной пракуратуры. "Па прыходзе ў пракуратуру мне далі падпісаць папярэджаньне, што за дзейнасьць ад імя незарэгістраванай арганізацыі я магу быць прыцягнута да крымінальнай адказнасьці. Было вельмі нечакана, што ў той час, калі Мінюст заяўляе аб магчымай адмене артыкула 193'1 КК, пракуратура дае папярэджаньні падобнага зьместу", - кажа Юлія Пашко.
Раней актывіст Берасьцейскага МФ Міхась Ільін таксама атрымоўвываў падобнае папярэджаньне. Агулам, пачынаючы з 2006 году, больш за 10 маладафронтаўцаў былі прызнанымі вінаватымі па артыкуле 193'1. У Эўропе зазначаны артыкул лічыцца антыканстытуцыйным.
