У Баранавіцкіх крамах нарэшце з’явіўся Выбарчы кодэкс

26 лютага ў Баранавіцкіх крамах нарэшце з’явіўся Выбарчы кодэкс са зменамі і дапаўненнямі. Гэтаму паспрыяла скарга, пададзеная страшынёй ініцыятыўнай групы аднаго з прэтэндэнтаў у кандыдаты Віктара Сырыцы ў ЦВК на імя Лідзіі Ярмошынай. Такую ж скаргу ён напісаў і старшыні Баранавіцкай гарадской тэрытарыяльнай выбарчай камісіі Юрыю Шасцярнёву. У сваіх скаргах Віктар Сырыца прасіў Лідзію Ярмошыну і Юрыя Шасцярнёва паўздзейнічаць на адказных людзей і адпаведныя структуры, каб забяспечыць горад Баранавічы Выбарчымі кодэксамі для нармальнай працы ўдзельнікаў выбарчага працэсу згодна з заканадаўствам.

Першым на скаргу адрэагаваў сакратар ЦВК Мікалай Лазавік, які патэлефанаваў на хатні тэлефон і падзякаваў Віктара Сырыцу за ўзнятую праблему і паабяцаў хутка і станоўча яе вырашыць. На другі дзень патэлефанаваў старшыня Баранавіцкай гарадской тэрытарыяльнай выбарчай камісіі Юрый Шасцярнёў, які прапанаваў Віктару Сырыцы нават свой асабісты Выбарчы кодекс для больш якаснай і прафесійнай працы ўсіх сяброў ініцыятыўнай групы.

“Праваабаронцы за свабодныя выбары”