Улады рыхтуюцца да арганізацыі прымусовага датэрміновага галасаваньня. Сябры Праваабарончага цэнтру “Вясна” сфатаграфавалі абвестку для ардынатараў медыцынскай акадэміі: “Уважаемые ординаторы! Просьба проголосовать досрочно. О досрочном голосовании сообщить зав. общежитием».

У інтэранце Беларускай медыцынскай акадэміі пасьлядыпломнай адукацыі, што знаходзіцца на вул. П. Броўкі ў Мінску, на вахце інтэнтану зьмешчаная абвестка, у якой утрымліваецца зварот да ардынатараў акадэміі прыняць удзел у датэрміновым галасаваньні. У звароце, разьмешчаным на стале вахцёркі сказана: “Уважаемые ординаторы! Просьба проголосовать досрочно. О досрочном голосовании сообщить зав. общежитием». Трэба адзначыць, што ніхто ня мае права кантраляваць удзел альбо няўдзел выбаршчыка ў выбарах, тым больш закон не патрабуе, каб пра галасаваньне дакладалі якой-небудзь асобе – тым болей, загадчыцы інтэрнату.

Падобна на тое, што ўлады паўтараюць адпрацаваны на працягу выбараў 2000 – 2001 гг. сцэнар арганізацыі прымусовага датэрміновага галасаваньня, што сьведчыць пра жаданьне ўладаў мець магчымасьць маніпуляваць вынікамі галасаваньня. Тым болей, што выніковы пратакол, зацьверджаны Цэнтральнай камісіяй, не адлюстроўвае разьдзельнага падліку галасоў.