Мясцовы суд пакараў пенсіянерку з Светлагорску Сьвятлану Міхальчанку штрафам у тры базавыя велічыні

30 сакавіка пенсіянерку Сьвятлану Міхальчанку, якая ўзначальвае раённую арганізацыю Партыі камуністаў беларускай і падчас выбарчай кампаніі распаўсюджвала агітацыйныя матэрыялы Аляксандра Мілінкевіча, мясцовы суд аштрафаваў на тры базавыя велічыні. Паводле спадарыні Міхальчанкі, гэта трэцяя частка яе пэнсіі, але сваю грамадзкую дзейнасьць яна спыняць не зьбіраецца.

У гэты ж дзень у Сьветлагорску таксама на тры базавыя велічыні аштрафаваны яшчэ адзін актывіст каманды Мілінкевіча — Віктар Ахрамчук, паведаміла Радыё Свабода.