Дзевяць актывістаў менскага Маладога Фронту далучыліся да галадоўкі з патрабаваньнем спыніць крымінальны перасьлед лідэраў руху і вызваліць усіх палітзьняволеных

Зьміцер Хведарук, Палажанка Настасься, Аляксей Янушэўскі, Антаніна Вежнявец, Павал Давідовіч, Аляксандра Яначка, Уладзімір Дубовік, Тацьцяна Анікеенка й Алена Ігнацьева вырашылі пайсьці на такія крайнія меры, каб зьвярнуць увагу грамадзтва на крымінальны перасьлед актывістаў Маладога Фронту і цэнічныя арышты лідэраў руху.

Менскія маладафронтаўцы вырашылі не знаходзіцца падчас галадоўкі ў адным памяшканьне таму, што многія з іх студэнты і зараз вымушаны здаваць іспыты, а таксама таму, што гэтымі днямі ў Менску адбываецца шэраг моладзевых акцыяў, у якіх маладафронтаўцы мяркуюць узяць удзел, паведаміла прэс-служба Маладога Фронту.