Зварот да Ураду Рэспублікі Беларусь ад дэлегатаў пазачарговай канферэнцыі беларусаў краінаў Балтыі і Беларусі
Старшыня ўправы Беларускага Радыё Рацыя Яўген Вапа
Беларусы краінаў Балтыі не могуць стаяць у баку ад падзей, якія адбываюцца на нашай гістарычнай радзіме Беларусі. Уладнымі структурамі Рэспублікі Беларусь парушаюцца асноўныя канстытуцыйныя правы чалавека, праводзяцца масавыя рэпрэсіі палітычных апанентаў рэжыма, незаконныя пакаранні і катаванні людзей. Чарговым характэрным крокам стаў арышт кіраўніка праваабарончага цэнтра “Вясна”, віцэ-прэзідэнта Міжнароднай федэрацыі правоў чалавека Алеся Бяляцкага.
Заклікаем неадкладна вызваліць Алеся Бяляцкага і спыніць яго крымінальную справу. Існаванне незалежных праваабарончых арганізацый, дзейнасць грамадскіх праваабаронцаў з’яўляюцца важнай умовай дэмакратызацыі Беларусі, забеспячэння канстытуцыйных правоў грамадзян, мірнага развіцця краіны.
Заклікаем спыніць усе палітычныя рэпрэсіі, вызваліць палітычных вязняў і стаць на шлях кансалідацыі нацыі.
Прынята на пазачарговай канферэнцыі беларусаў краінаў Балтыі і Беларусі
28 жніўня 2011 г
Паводле zbsb.org
